Tap an ayah number to listen from there. Recitation streamed from Al Quran Cloud · Print / save as PDF
بِسْمِ ٱللَّهِ ٱلرَّحْمَٰنِ ٱلرَّحِيمِ
Litakase jina la Mola wako Mlezi aliye juu kabisa,
Aliye umba, na akaweka sawa,
Na ambaye amekadiria na akaongoa,
Na aliye otesha malisho,
Kisha akayafanya makavu, meusi.
Tutakusomesha wala hutasahau,
Ila akipenda Mwenyezi Mungu. Hakika Yeye anayajua yaliyo dhaahiri na yaliyo fichikana.
Na tutakusahilishia yawe mepesi.
Basi kumbusha, kama kukumbusha kunafaa.
Atakumbuka mwenye kuogopa.
Na atajitenga mbali nayo mpotovu,
Ambaye atauingia Moto mkubwa.
Tena humo hatakufa wala hawi hai.
Hakika amekwisha fanikiwa aliye jitakasa.
Na akakumbuka jina la Mola wake Mlezi, na akasali.
Lakini nyinyi mnakhiari maisha ya dunia!
Na Akhera ni bora na yenye kudumu zaidi.
Hakika haya yamo katika Vitabu vya mwanzo,
Vitabu vya Ibrahimu na Musa.
Tafsiri: Ali Muhsin Al-Barwani. Maandishi: Tanzil.net. tanzil.net
Lugha nyingine: English · اردو · Русский · Türkçe · Bahasa Indonesia · Bahasa Melayu · বাংলা · فارسی · हिन्दी · Français · Español · Deutsch · Português